კორონავირუსით ინფიცირებულთა რიცხვი ნიუ იორკ სითიში ელვისებური სისწრაფით იმატებს. ქალაქის ჯანდაცვის სისტემა გადატვირთულია და კოლაფსის ზღვარზეა მისული. შესაძლოა ნიუ იორკს მალე სხვა ქალქებიც შეუერთდეს, განსაკუთრებით იმ შემთხვევაში, თუ ნიუ იორკის მაცხოვრებლები პატივს არ სცემენ არსებულ რეკომენდაციებს.

შუა მარტიდან ნიუ იორკს კორონავირუსის ყველა სხვა შტატზე მეტი დადასტურებული შემთხვევა აქვს. 3 აპრილის მდგომარეობით აშშ-ში კორონავირუსის შემთხვევათა 50% ნიუ იორკზე მოდის, ხოლო ჯამური სიკვდილიანობის 90% სამწუხაროდ ნიუ იორკში ფიქსირდება.

გადატვირთული სამედიცინო სისტემის ფონზე ცენტრალურ პარკში და კიდევ რამოდენიმე ადგილას მომზადდა დროებითი ჰოსპიტალი. ნიუ იორკის გუბერნატორის ენდრიუ კუომოს თქმით შტატში მალე სასუნთქი აპარატების დეფიციტი შეიქმნება. გუბერნატორი ამას 2 აპრილს პროგნოზირებს და დეფიციტის დადგომას 6 დღეში ვარაუდობს.

სამედიცინო სისტემის გადატვირთვის პრობლემა სხვა მეტროპოლისებსაც აქვს. პენსილვანიის უნივერსიტეტის ეპიდემიოლოგი კრის ჯონსონი სამედიცინო მომსახურების ჭარბ მოთხოვნაზე საუბრობს. ეპიდემიოლოგები საუბრობენ იმაზე, რომ ხალხმა უნდა გაითავისოს მდგომარეობის სიმწვავე და დარჩეს სახლში, რათა ინფიცირებულთა ისედაც ჭარბ რაოდენობას არ დაემატოს ახალი ტალღა და ამით არ მოხდეს ჯანდაცვის სისტემის სრული პარალიზება.