კორონავირუსის პირველი მსხვერპლი, 79 წლის ქალი, რომელიც დღეს დილით გარდაიცვალა, 12-15 კილოს იწონიდა. პირველი საუნივერსიტეტო კლინიკის კლინიკური დირექტორი ამბობს, რომ პაციენტს კორონავირუსთან ერთად სხვა მძიმე დაავადებებიც აღენიშნებოდა.

ლალი ტურძელაძის ამბობს, რომ ქალს კუნთები მთლიანად ჰქონდა განლეული. ბოლნისელ პაციენტს, გულის კუნთის სერიოზული დაავადებაც აღენიშნებოდა, ჰქონდა ყველა სარქველის უკმარისობა, სეფსისი, სეპტიური შოკთან ერთად მას გულ-სისხლძარღვთა მწავავე უკმარისობაც განუვითარდა.

„მიმღებშივე იქნა აპარატულ სუნთქვაზე გადაყვანილი. ჰქონდა სპონტანური პნევმოთორაქსი, სუნთქვის მწვავე უკამრისობა. პაციენტს აღენიშნებოდა ბევრი ქრონიკული დაავადება, კახექსია ჰქონდა. მან 6-7 თვის განმავლობაში წონაში ძალიან დაიკლო, როცა ჩვენთან მოვიდა, კუნთოვანი შრე მთლიანად განლეული ჰქონდა და პაციენტი 12-15 კილოს იწონიდა" - განაცხადა ტურძელაძემ.