ესპანეთში უკანასკნელი 24 საათის განმავლობაში კორონავირუსით გარდაცვლილთა რაოდენობამ 809 შეადგინა, რომლის შემდეგაც ფატალური შემთხვევების რაოდენობა უკვე 11 744-ს აღწევს. ზემოხსენებული მონაცემებით ესპანეთში გარდაცვალების შემთხვევების რაოდენობის კლების ტენდენცია შეიმჩნევა, რის საფუძველზეც ესქპერტები დამაიმედებელ პროგნოზებს აკეთებენ და აღნიშნავენ, რომ დაავადების გავრცელების ლოკალიზების შემთხვევაში უახლოეს დღეებში სიტუაცია საგრძნობლად გაუმჯობესდება.

შეგახსენებთ, რომ ესპანეთი იტალიის შემდეგ პირველი ქვეყანაა, სადაც კოვიდ 19-ით გარდაცვლილთა რაოდენობამ 10 000-ს გადააჭარბა. ქვეყნის ჯანმრთელობის მინისტრის თქმით, უკვე 34 219 ადამიანია ვირუსისგან განკურნებული, თუმცა კრიტიკულ მდგომარეობაში მყოფთა რაოდენობით ერთ-ერთი პირველია ესპანეთი. იმ პაციენტების რიცხვი, რომლებიც ხელოვნური სუნთქვის აპარატზე არიან მიერთებულნი 6416-ს შეადგენს.