იმ ფონზე რომ კორონავირუსით ინფიცირებულთა და დაღუპულთა რაოდენობა მთელ მსოფლიოში მასშტაბურად იზრდება, უმძიმესი ვითარებაა აგრეთვე დიდ ბრიტანეთშიც, სადაც დაავადების შედეგად გარდაცვლილთა რაოდენობა ყოველდღიურად ასეულობით იმატებს.

ფატალური შემთხვევების რიცხვის მასშტაბური მატების საშიშროების ფონზე ბრიტანეთის ხელისუფლებამ მიიღო გადაწყვეტილება, რომ თვითმფრინავის მიტოვებული ანგარები გამოიყენონ ცხედრების მოსათავსებლად. ზემოხსენებული ბრძანების თანახმად, ანგარში 6000-მდე გარდაცვლილისთვის იქნება ადგილი გამოყოფილი. ამის შესახებ ინფორმაციას ავრცელებს SKYNEWS-ი.

ანგარში გადაღებულ ფოტოებში ჩანს პლასტმასის საკიდებზე არსებული საკაცეები, რომლებიც ხარაჩოებით არის გამაგრებული და გარშემორტყმულია კონდიცირების სისტემებით. თითოეულ ანგარში 600 ცხედრისთვისაა სათავსო ადგილი. გავრცელებული ინფორმაციით ამერიკის ყოფილ ბაზაზე, ოქსფორდშირში 10-მდე მიტოვებულია ანგარია.

შეგახსენებთ, რომ კორონავირუსის გავრცელების შედეგად ბრიტანეთში ინფიცირებულთა რაოდენობა 40 000-მდე აღწევს, ხოლო გარდაცვლილთა რიცხვი კი უკვე 3605-ს შეადგენს.