საქართველოში კორონავირუსით ინფიცირებული პაციენტებიდან, რომლებიც ამჟამად მკურნალობას გადიან 23-ს პნევმონია აქვს, 4 პაციენტი კი მართვით სუნთქვაზე იმყოფება. ინფორმაცია მედიას დაავადებათა კონტროლის ცენტრის ხელმძღვანელმა, ამირან გამყრელიძემ მიაწოდა.

"დღევანდელი მონაცემებით, ჩვენ ყველა პაციენტს შორის გვყავს 4, რომლებიც არიან მართვით სუნთქვაზე და გვყავს 23 პაციენტი, რომელთაც აქვთ პნევმონია.

დიდი იმედი მაქვს, რომ ყველა პაციენტი, რომელსაც აქვს პნევმონია გამოჯანმრთელდება და ასევე, როგორც რამდნეიმე პაციენტის მართვითი სუნთქვიდან მოხსნა შევძელით და შესაბამისად გაჯანმრთელება, მაქსიმალურად ჩვენი ექიმები ეცდებიან მინიმუმამდე იყოს საქართვლეოში ფატალური შემთხვევები"- განაცხადა გამყრელიძემ.