ბევრ ადამიანს შესაძლოა საჭმლის ფულიც არ ჰქონდეს - რუსეთის ეკონომიკა სამმაგი დარტყმის ქვეშ

მსოფლიო - 14:42, 04 Apr, 2020

1055

რუსეთის ეკონომიკა სამმაგ დარტყმას განიცდის - ერთის მხრივ მსოფლიოში ნავთობის ფასები კატასტროფულად ეცემა, რუსეთის ეკონომიკას უკვე დააკლდა 55,8 მილიარდი რუბლის შემოსავალი. მეორეს მხრივ, ქვეყანაში ერთთვიანი "არასამუშაო პერიოდია" გამოცხადებული, რის გამოც შემცირდება ბიუჯეტში მეწარმეთაგან შემოსული გადასახადების ოდენობა. დიდი ხარჯები დააწვა ბიუჯეტს კორონავირუსთან ბრძოლისა და სამსახურის გარეშე მოქალაქეთათვის სოციალური დახმარების აღმოჩენის კუთხითაც, რაც ათეულობით მილიარდ რუბლს შეადგენს.

აპრილის თვე ეკონომიკას სერიოზულად დაარტყამს და ზარალი მთლიანი შიდა პროდუქტის 1,5-2%-ი იქქნება, აცხადებენ რუსეთის ცენტრალურ ბანკში. ზოგადადად, მათი პროგნოზით 2020 წელი რუსეთისთვის რეცესიული იქნება.

პრობლემებზე საუბარი დაიწყეს ბიზნესმენებმაც - მათი თქმით შემოსავლები დაეცა და დასაქმებულთათვის ხელფასის გადახდა ჭირს. ბიზნესის დიდი ნაწილი თვითგადარჩენის ზღვარზეა.

შესაბამისად რუსეთის ბიუჯეტი შესაძლოა გახდეს დეპიციტური და ხელისუფლება მძიმე არჩევანის წინაშე დადგება - შეამციროს ხარჯები, ისესხოს ფული, თუ დახარჯოს რეზერვები.

მძიმე დღეშია მოსახლეობის დიდი ნაწილიც. ექსპერტების შეფასებით, შესაძლოა ბევრ ადამიანს საჭმლის ფული აღარ ჰქონდეს. ჯერ კიდევ ადრე ჩატარებულმა კვლევამ აჩვენა, რომ რუსეთის მოქალაქეთა 62,5%-ს საერთოდ არ აქვს ფული დაგროვილი და არ გააჩნია ე.წ. "ფინანსური უსაფრთხოების ბალიშ", რათა ამგვარ კრიზისულ სიტუაციაში შესძლონ თავის გატანა.