გერმანიის მთავრობის მაღალჩინოსნები ამერიკას „თანამედროვე მეკობრეობაში“ ადანაუშაულებენ- საქმე ეხება ამერიკული კომპანიისთვის გერმანიის მიერ შეკვეთილ 200 000-ს პირბადეს, რომლებიც ვაშინგტონის გადაწყვეტილებით გაგზავნის პროცესში შეაჩერეს. აღნიშნული ტვირთი ამერიკაში იქნა გაგზავნილი.

გერმანიის მთავრობის წარმომადგენელთა თქმით, ამერიკული ტვირთის კონფისკაცია ბანგკოკში მოხდა. მათი განცხადებით, FFP2-ის ტიპის ნიღბებმა, რომლებიც გერმანიის პოლიციურმა ძალებმა დაუკვეთეს, დანიშნულების ადგილამდე ვერ მოაღწია.

მას შემდეგ, რაც დონალდ ტრამპმა თავდაცვის წარმოების აქტი გამოსცა, ყველა ამერიკულ კომპანიას აეკრძალა სხვა ქვეყნისთვის პროდუქციის წარმოება, სანამ აღნიშნული პროდუქტის სრულად არ იქნება აშშ უზრუნველყოფილი. ზემოხსენებული შეზღუდვა შეეხო ამერიკულ ნიღბების დამამზადებელ კომპანია, 3M-საც, რომელსაც აეკრძალა თავისი სამედიცინო პროდუქციის ექსპორტი.

„ჩვენ გვჭირდება ეს პროდუქტები დაუყოვნებლივ შიდა მოხმარებისთვის. პირველ რიგში ჩვენ უნდა მოგვამარაგონ“ - განაცხადა ტრამპმა კორონავირუსთან მებრძოლი ჯგუფის სამუშაო ბრიფინგზე აშშ-ში. მისი თქმით, აშშ-ს მთავრობამ ამოიღო 200 000-მდე რესპირატორული ნიღაბი, 130 000-მდე პირბადე და 600 000 ერთჯერადი ხელთათმანი.

ბერლინის შინაგან საქმეთა მინისტრის, ანდრეას გაიზელის თქმით, დონალდ ტრამპის ადმინისტრაციამ უნდა დაიცვას საერთაშორისო სავაჭრო წესები- „ თუნდაც გლობალური კრიზისის დროს არ უნდა არსებობდეს ველური დასავლეთის მეთოდები“.