საქართველოში კორონავირუსით გარდაცვალების პირველი შემთხვევა დაფიქსირდა

COVID-19 - 12:52, 04 Apr, 2020

1704

საქართველოში კორონავირუსით გარდაცვალების პირველი შემთხვევა დაფიქსირდა.

გარდაცვლილია 79 წლის ქალი, რომელიც მარნეულიდან რამდენიმე დღის წინ გადმოიყვანეს.

პაციენტი პირველი საუნივერსიტეტო კლინიკის რეანიმაციულ განყოფილებაში იყო მოთავსებული.

კლინიკის ხელმძღვანელმა მედიას უთხრა, რომ პაციენტი კლინიკაში დღეს, 9 საათზე გარდაიცვალა.

ლევან რატიანი ამბობს, რომ პაციენტს თანმხლები დაავადებები ჰქონდა.

"31 მარტს ჩვენს კლინიკაში შემოყვანილი იქნა კრიტიკული მედიცინის დეპარტამენტში კრიტიკული პაციენტი, 79 წლის, რომელთანაც დადასტურებული იყო კოვიდ ინფექცია. ასევე მინდა გითხრათ ამ პაციენტის შესახებ, რომ ანამნეზში იყო ბოლო 6 თვის განმავლობაშია მკვეთრი წონის დეფიციტი, ჩატარებული კლინიკური კვლევების შედეგად, გამოვლინდა ორმხრივი პნევმონია, ასევე დადასტურდა პნევმოთორაქსი, მწვავე რესპირატორული დისტრესი. შემოყვანისთანავე დადასტურდა მწვავე სეფსისი ჰემოდინამიკის რღვევით. ამ კვლევების შემდეგ, პაციენტი მოთავსდა რეანიმაციულ განყოფილებაში, დაწყებული იქნა სიმპტომური და პათოგენეზური მკურნალობა, მაგრამ ჩატარებული ღონისძიებები ამ ეტაპზე აღმოჩნდა უეფექტო. მისი სომატური პათოლოგიებიდან გამომდინარე დღეს დილით 9 საათზე, სამწუხაროდ, დაფიქსირდა ლეტალობა,“- განაცხადა ლევან რატიანმა.