თბილისის ინფექციურ კლინიკის სამედიცინო დირექტორის ინფორმაციით, მათ კლინიკაში მყოფი ორი კრიტიკული პაციენტიდან, ერთის მდგომარეობა დასტაბილურდა.

ეზუგბაია ამბობს, რომ საავადმყოფოს ახლა ერთი კრიტიკული და ორი მძიმე პაციენტი ჰყავს.

„ჩვენი პაციენტების მხრივ მდგომარეობა გარკვეულწილად დასტაბილურებულია იმ თვალსაზრისით, რომ გვყავდა კრიტიკული ორი და ახლა ვამბობთ, რომ კრიტიკული დაგვრჩა ერთი. მეორე კრიტიკული პაციენტის მდგომარეობა სტაბილურია, მაგრამ ჯერჯერობით კვლავ მძიმედ რჩება, ასევე დანარჩენებიც, ანუ ერთი კრიტიკული გვყავს და ოთხი მძიმე პაციენტი, რომლებიც ინტენსიურ მეთვალყურეობას და მკურნალობას საჭიროებენ. ვნახოთ რამდენიმე დღის განმავლობაში შეიძლება, ამათი მდგომარეობაც დასტაბილურდეს და უკვე პროგნოზირება შესაძლებელი იქნება, რომ მათი გამოჯანმრთელებაც დადგება“, განაცხადა განაცხადა ეზუგბაიამ.

ამასთან, როგორც ირკვევა თბილისის ინფექციურ კლინიკაში ორი ექიმის გამოკვლევა მოხდა, მაგრამ ორივე ტესტზე ნეგატიური იყო. ეზუგბაიას თქმით, სტაბილურია ეროვნული ბანკის ინფიცირებული თანამშრომლების მდგომარეობაც.