დაავადებათა კონტროლის ეროვნული ცენტრის დირექტორი სააღდგომო ლიტურგიას ტელევიზიით ადევნებს თვალს.

როგირც პაატა იმნაძემ აღნიშნა, ის ეკლესიური არ არის, თუმცა, იქვე დასძენს, რომ არა მოუცლელობა, შეიძლება, წელს წასულიყო.

"მე დიდი ეკლესიურობით, სამწუხაროდ, არ გამოვირჩევი. რომ გითხრათ, ბოლოს როდის ვარ ნამყოფი, ალბათ ნამდვილად დამავიწყდება. ამიტომაც მე ძირითადად მაინც ტელევიზიით ვადევნებ ხოლმე თვალყურს და რა თქმა უნდა წელსაც იგივეს ვიზამ, მით უმეტეს, ამ პირობებში, ნამდვილად ვერ მოვიცლი ამისთვის. თორემ შეიძლება წელს წავსულიყავი", -განაცხადა პაატა იმნაძემ.