არის თუ არა 112-ში დარეკვის საფუძველი 37 გრადუსი და მეტი სხეულის ტემპერატურა - დაავადებათა კონტროლისა და საზოგადოებრივი ცენტრის დირექტორის მოადგილე პაატა იმნაძე ამბობს, რომ 37.5 და მეტ სხეულის ტემპერატურაზე ადამიანი მიიღებს კონსულტაციას.

თუმცა მისი თქმით, მარტო ესეც არ არის საკმარისი, რათა ეს იყოს საეჭვო შემთხვევა.

„მე რომ არ ვთქვა, 37 გრადუსი სიცხე არ ითვლება ტემპერატურად მეთქი, არსებობს ასეთი რამ, ჩემზე მეტი იცის, „გუგლი“ ჰქვია ან სხვადასხვა ენციკლოპედიები. არსად არ წერია, რომ 37 გრადუსი, ეს არის ტემპერატურა, რომელზეც უნდა შეშფოთდეს ადამიანი. 37.5 და მეტი გარკვეულად არის ის ტემპერატურა, რომ ადამიანმა მიიღოს კონსულტაცია, თუმცა მარტო ესეც არ არის საკმარისი, რათა ეს იყოს საეჭვო შემთხვევა“, – განაცხადა პაატა იმნაძემ.

შეგახსენებთ, ამ დროისთვის საქართველოში კორონავირუსის 148 შემთხვევაა დადასტურებული. მათ შორის გამოჯანმრთელებულია 27 მოქალაქე.

კარანტინის რეჟიმში იმყოფება – 5550, ხოლო სტაციონარში მეთვალყურეობის ქვეშ – 281 პირი.