"მარნეულიდან ჩამოყვანილი 79 წლის ქალის მდგომარეობა კვლავ კრიტიკულია"- რა ხდება პირველი საუნივერსიტეტო კლინიკაში

COVID-19 - 12:03, 03 Apr, 2020

782

პირველი საუნივერსიტეტო კლინიკაში ამ დროისთვის 23 კოვიდინფიცირებული პაციენტი მკურნალობს, კლინიკაში ახალი ინფიცირებულები არ შეუყვანიათ.

პირველი საუნივერსიტეტო კლინიკის ხელმძღვანელის ლევან რატიანის თქმით, პაციენტების ზოგადი მდგომარეობა სტაბილურია.

"რაც შეეხება მარნეულელი ქალს, ის მოიხსნა აპარატიდან. მისი მდგომაროება სტაბილურია და ის კონტაქტურია. რაც შეეხება მეორე წლის 80 წლის ქალბატონს, მისი მდგომაროება მკვეთრად გაუმჯობესებულია და ეტაპობრივად ის რამდენიმე დღეში მოიხსნება აპარატიდან. კიდევ ერთი ქალბატონი, რომელიც ასევე ჩამოყვანილია მარნეულიდან, 79 წლის მისი მდგომაროება მისი მდგომაროება კრიტიკულია, თუმცა რჩება პარამეტრებით. გრძელდება მონიტორინგი. რაც შეეხება ახალშობილებს. ხუთივე ბავშვის მდგომარეობა სტაბილურია. ერთ ახალშობილზე, რომელზეც გვქონდა კორონავირუსის ინფექციის ეჭვი, უარყოფითი პასუხი მოვიდა. ხუთივე ბავშვი მკურნალობას აგრძელებს. ასევე გვყავს 2 ორსული ქალი, ერთი 22 კვირის და ერთი 8 კვირის. 22 კვირის ორსულს უტარდება მონიტორინგი და არც დედას და არც ნაყოფს პათოლოგია არ უვლინდება. მეორე ორსულს უფიქსირდება 37 ტემპერატურა. ხორციელდება სიმპტომური მკურნალობა და გართულება არ იკვეთება. სხვა პაციენტები არიან სტაბილურები. ახალი პაციენტები ჩვენთან არ შემოსულან", - განაცხადა ლევან რატიანმა.