კორონავირუსი, თვითიზოლაცია და ვარსკვლავები - აღმოჩნდა, რომ თვითიზოლაციის დროს ჰოლივუდის ვარსკვლავებიც “იტანჯებიან”. ჭამა, სახლის დალაგება და არაფრის კეთება სწორედ ის არის, რითაც მათ დრო გაჰყავთ.

მსახიობმა ნატალი პორტმანმა კარანტინამდელი და კარანტინის შემდგომი ფოტოები გაგვიზიარა. ინსტაგრამზე გამოქვეყნებულ ფოტოებში ჩანს, რომ მსახიობი ახლა გლამურული ფოტოსესიების ნაცვლად ტკბილეულის ჭამაზეა გადასული.

ნატალი პორტმანის მსგავსად, ტკბილეულს ეძალება ნაომი უოტსიც, რომელმაც ნამცხვრების დაგემოვნება კარანტინის მთავარ გამოწვევად დაასახელა.

კოლეგებს არც ამერიკელების საყვარელი მსახიობი ჯულია რობერტსი ჩამორჩა და ინსტაგრამზე უმაკიაჟიდ გადაღებული სელფი გამოდო. პოსტში ის კიდევ ერთხელ აღნიშნავს, რა რთულია ახლა ცხოვრება იმ ადამიანებისთვის, ვინც COVID-19-მა უსამსახუროდ დატოვა. აღსანიშნავია, რომ მსახიობმა სწორედ ამ ადამიანების დახმარების მიზნით ერთ-ერთ ფონდში 3 მილიონი დოლარიც კი გადარიცხა.

კიდევ ერთი ვარსკვლავი, რომელიც თვითიზოლაციაშია და სახლიდან არ გადის, კორტნი კოქსია. მსახიობი ამ დროს იდეალურად იყენებს და შვილთან, კოკოსთან ერთად არაჩვეულებრივ დუეტებს ქმნის.

ქმართან, მაიკლ დუგლასთან და შვილებთან ერთად იმყოფება თვითიზოლაციაში მსახიობი კეტრინ ზეტა-ჯონსიც. ვარსკვლავმა ფანების გასამხიარულებლად გადაწყვიტა ინსტაგრამზე ამჯერად ცეკვის ვიდეო გამოექვეყნებინა.