თბილისის ინფექციური საავადმყოფოს ექიმის, ალექსანდრე გოგინავას განცხადებით, უახლოეს დღეებში შესაძლოა, კორონავირუსისგან განკურნებული კიდევ 7-8 პაციენტი გაეწეროს ბინაზე.

გოგინავა აცხადებს, რომ რაც უფრო მეტი დრო გავა მეტი გამოჯანმრთელებული პაციენტი იქნება.

„ზუსტ რიცხვს ვერ გეტყვით, თუმცა დინამიური პროცესია ეს და უახლოეს დღეებში დაგვემატება ჩვენ გამოჯანმრთელებულები. რაც უფრო მეტი დრო გავა, მით მეტი გამოჯანმრთელებული გვეყოლება. დაახლოებით 7-8 პაციენტამდე შეიძლება უახლოესი 3-4 დღის განმავლობაში კიდევ დატოვოს კლინიკა და სრულიად გამოჯანმრთელებულები გაეწერონ ბინაზე, იზოლაციაში “ , – განაცხადა გოგინავამ.