ბრიტანეთში კორონავირუსით შექმნილი უმძიმესი მდგომარეობის ფონზე ჯანდაცვის ეროვნული უწყების გადაწყვეტილებით, ექიმებისთვის გაიცა რეკომენდაცია, რომლის მიხედვითაც კოვიდ 19-ით დაავადებულ კრიტიკულ მდგომარეობაში მყოფ პაციენტებს ხელოვნური სუნთქვის აპარატებს გამოურთავენ და იმ დაავადებულებს აღმოუჩენენ დახმარებას, რომელთა გადარჩენის მეტი შანსი იქნება.

ბრიტანეთის მედიკოსთა ასოციაციის თქმით, კორონავირუსთან მებრძოლ წინახაზზე მყოფ ექიმებს მოუწევთ უმძიმესი გადაწყვეტილება მიიღონ და პაციენტთა გადარჩენისთვის სელექცია მოახდინონ მათი მდგომარეობის გათვალისწინებით.

შეგახსენებთ, რომ ბრიტანეთში კორონავირუსით დაავადებულთა რაოდენობა 29 474-ს შეადგენს, რომელთაგან გარდაცვლილთა რიცხვმა 2352 შეადგინა. მცირეა გამოჯანმრთელებულთა მაჩვენებელიც და ამ დროისთვის მხოლოდ 135 ადამიანი განიკურნა.