ამერიკული ინსტიტუტის - ბლექსმიტისა და ორგანიზაცია - „შვეიცარიის მწვანე ჯვრის“ ვერსიით, მსოფლიოს ეკოლოგიურად ყველაზე დაბინძურებულ ადგილებში, კვლავ მოხვდნენ რუსეთის ქალაქები ნორილსკი და ძერჟინსკი, იუწყება BBC-ის საინფორმაციო სააგენტო.

სიაში ასევე ფიგურირებს უკრაინული ჩერნობილი. აგრეთვე, ექვსი ქვეყნის: არგენტინის, ბანგლადეშის, განის, ზამბიის, ინდონეზიისა და ნიგერიის ქალაქები, მდინარეები და სხვა გეოგრაფიული ტერიტორიები.

ბლექსმიტის ინსტიტუტის სიაში, ნორილსკი და ძერჟინსკი პირველად არ ხვდებიან.

ანგარიშის - „მსოფლიოს ყველაზე დაბინძურებული ადგილები - 2013“ ავტორები ირწმუნებიან, რომ ადამიანის ჯანმრთელობისთვის ზიანს, რომელსაც ეკოლოგიური ტოქსინები იწვევენ, შეედრება ყველაზე საშიში ეპიდემიები, რაც მილიონობით ადამიანის სიცოცხლეს ემუქრება.

მსოფლიო ჯან-დაცვის ორგანიზაციის მონაცემებით, განვითარებად ქვეყნებში სიკვდილიანობის 20%-ს დაბინძურებული გარემო იწვევს.

კიბოს გამო ყოველი მეხუთე სიკვდილი, ტოქსინებთანაა დაკავშირებული.

ანგარიშის მონაცემებით, გარემოს დაბინძურება პლანეტაზე 200 მილიონი ადამიანის სიცოცხლეს ემუქრება.

„ეკოლოგიური ტოქსინების თავიდან მოშორება - რთული საქმეა, მაგრამ არა შეუძლებელი, - მიიჩნევს შვეიცარიული მწვანე ჯვრის ერთერთი განყოფილების მენეჯერი სტეფან რობინონი. - საჭიროა აუცილებელი ფონდების მობილიზება და იმ განზრახვის გამყარება, რომ ვიმოქმედოთ რაც შეიძლება სწრაფად“.

იაპონური ატომური ელექტროსადგურის „ფუკუსიმას“ რაიონი, სადაც მომხდარი ავარია ატომური მოვლენების საერთაშორისო შკალაში უდიდესია, პლანეტის ყველაზე დაბინძურებულ ადგილთა ათეულში არ მოხვდა.