ბრიტანთში კორონავირუსთან ბრძოლის წინა ხაზზე მყოფი სამედიცინო პერსონალი უდიდესი გამოწვევის წინაშე დგას, რადგან დაავადებისგან დასაცავი შესაბამისი აღჭურვილობა და ატრიბუტები სულ უფრო დეფიციტური ხდება-ინფიცირების შემთხვევები მასშტაბურად იზრდება მთელი ქვეყნის ტერიტორიაზე, რის გამოც ჯანდაცვის უწყება ვერ ახერხებს სათანადო ღონისძიებების გატარებას და მედიკოსთა უსაფრთხოების უზრუნველყოფას.

სწორედ დამცავი საშუალებების დეფიციტმა გამოიწვია ბრიტანელი ექიმის გარდაცვალება კორონავირუსისგან. ამის შესახებ ინფორმაციას ავრცელებს SKYNEWS-ი.

გავრცელებული ინფორმაციით, ჯანდაცვის უწყების ერთ-ერთი თანამშრომელი, ტომას ჰარვი, რომელიც კოვიდ 19-ით დაავადდა, რამდენიმე დღის განმავლობაში ვერ იკვებებოდა იმის გამო, რომ დაავადებულ პაციენტებს მკურნალობდა და ამის დრო ფიზიკურად არ გააჩნდა.

მას შემდეგ, რაც მას დაუდგინდა კორონავირუსი, დაავადება სწრაფად განვითარდა, მძიმე რესპირატორული სიმპტომები გამოიწვია აღნიშნულმა ვირუსმა, რის შემდეგაც იგი მოგვიანებით ფილტვების ანთებით გარდაიცვალა.

გარდაცვლილის შვილებმა SKYNEWS-თან მიცემულ ინტერვიუში განაცხადეს, რომ მათ მამას არ ჰქონდა შესაბამისი დამცავი საშუალებები მაშინ როდესაც კორონავირუსს ებრძოდნენ. გავრცელებული ინფორმაციით, ტომასი მისი პაციენტისგან დაავადდა- იგი კორონავირუსთან ორკვირიანი ბრძოლის შემდეგ გარდაიცვალა მოულოდნელად.