ეკონომიკის მინისტრის თქმით, კრიზისის დროს ადამიანები სამსახურს დაკარგავენ და ამ "რეალობას თვალი უნდა გავუსწოროთ ".

ნათია თურნავას თქმით, ანტიკრიზისული ეკონომიკური პაკეტი ორი ობიექტისკენაა მიმართული: პირველია დაზარალებული ბიზნეს სექტორი, მეორე - უმუშევრად დარჩენილი ადამიანები:

"თვალი უნდა გავუსწოროთ რეალობას, ჩვენ შევდივართ კრიზისში და მანამ, სანამ არ ამოიქოქება ეკონომიკა იგივე დონეზე, რაც იყო კრიზისამდე, რა თქმა უნდა, იქნება დროებითი სირთულეები და ეს დაარტყამს დასაქმებულებსაც. მიუხედავად იმისა, რომ ბევრი კომპანია იჩენს მაქსიმალურ პასუხისმგებლობას და ცდილობს დასაქმებული შეინარჩუნოს, კარგად გვესმის, რომ ეს ყოველთვის ვერ მოხერხდება"- განაცხადა მინისტრმა.