დღეს NATO-ს წევრი ქვეყნების საგარეო საქმეთა მინისტრები ვირტუალურ ტელეკონფერენციას გამართავენ. მათი საუბრის ძირითადი თემა კორონავირუსის პანდემია იქნება, თუმცა, მინისტრები ასევე განიხილავენ უკრაინაში არსებულ ვითარებას, საქართველოსთან თანამშრომლობის საკითხს, ავღანეთისა და ერაყის მოვლენებს.

გუშინ ალიანსის გენერალურმა მდივანმა იენს სტოლტენბერგმა განაცხადა, რომ NATO არ დაუშვებს, რომ პანდემიამ ორგანიზაციის წევრი ქვეყნების უსაფრთხოებას ზიანი მიაყენოს. მან ასევე გააფრთხილა მსოფლიო, რომ რუსეთმა, ან სხვადასხვა ტერორისტულმა დაჯგუფებებმა პანდემიის გამო შექმნილი ვითარება, შესაძლოა თავისი ინტერესების განხორციელებისათვის გამოიყენონ.