ბილ გეითსმა, მექსიკელი მაგნატის - კარლოს სლიმის ორწლიანი ლიდერობის შემდეგ, პლანეტის უმდიდრესი ადამიანის სტატუსი დაიბრუნა. მისი ქონება 72 მილიარდ დოლარად ფასდება. ინტერნეტ-გიგანტის  Google-ის დამფუძნებლებს პეიჯსა და ბრინს 24,9 და 24,4 მილიარდი დოლარი, ხოლო, ლიდერთა სამეულის ბოლოში მდგომ, სოციალური ქსელის Facebook-ის ხელმძღვანელს მარკ ცუკერბერგს 19 მილიარდი დოლარი აქვს.

Forbes-ის რეიტინგში, ასევე შევიდა ნიუ-იორკის მერი მაიკლ ბლუმბერგი, რომელიც 12 წელია ქალაქს მართავს. აღსანიშნავია, რომ მისი ქონება მეტია, ვიდრე ცუკერბერგისა, მაგრამ როგორც რეიტინგიდან ჩანს, მილიარდერთა კაპიტალი, გავლენიანობის მთავარი კრიტერიუმი არ არის. მაგალითად, Oracle-ს ხელმძღვანელი ლარი ელისონი 41 მილიარდ დოლარს ფლობს, მაგრამ მხოლოდ მერვე ადგილს იკავებს იაპონელი მასაიოში სანას (კომპანიაSoftbank-ის გენ-დირექტორი) 9,1 მილიარდი დოლარით, ელონ მასკის (Tesla Motors) 6,7 მილიარდი დოლარით და ტერი გუს (ტაივანური კომპანიის Hon Hai Precision-ის ხელმძღვანელი) 4,8 მილიარდი დოლარით, შემდეგ.

ბლუმბერგისა და მასკის გარდა, IT-სფეროსთან არ არის დაკავშირებული ნიგერიელი მილიარდერი ალიკო დანგოტი, რომელიც აფრიკის უმდიდრესი ადამიანია 16,1 მილიარდი დოლარით. ის ნავთობისა და კვების ინდუსტრიაშია.

12 ყველაზე გავლენიანი ბიზნესმენი:

1. ბილ გეითსი (Microsoft-ის დამფუძნებელი)

2. ლარი პეიჯი და სერგეი ბრინი (Google-ს დამფუძნებლები)

3. მარკ ცუკერბერგი(Facebook-ის დამფუძნებელი, დირექტორთა საბჭოს თავმჯდომარე)

4. მაიკლ ბლუმბერგი (ნიუ-იორკის მერი)

5. მასაიოში სანი (Softbank-ის გენ-დირექტორი)

6.ელონ მასკი (Space Exploration Technologies Corp.-ის დამფუძნებელი)

7. ტერი გუ (Hon Hai Precision-ის გენ-დირექტორი)

8. ლარი ელისონი (Oracle-ის გენ-დირექტორი)

9. რობინ ლი (Baidu-ს დამფუძნებელი და გენ-დირექტორი)

10. ალიკო დანგოტი (Dangote Group-ის გენ-დირექტორი)

11. რიდ ჰოფმანი (ფონდ Greylock Partners-ის პარტნიორი)

12. მუჰამედ იბრაჰიმი (ფონდ Mo Ibrahim Foundation-ის დამფუძნებელი)