თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის კლინიკური დირექტორის, ლალი ტურძელაძის განცხადებით, კორონავირუსით ინფიცირებული პაციენტის პირველადი ტესტის პასუხი უარყოფითია და განმეორებითი კვლევის შედეგებს ელოდებიან.

საუბარია ქალზე, რომელიც უმძიმეს მდგომარეობაში იყო.

„რაც შეეხება ერთ პაციენტს, რომელსაც გუშინ ავუღეთ ტესტი და იყო უარყოფითი, პირველად შემოყვანილი, 15-ში შემოყვანილი პაციენტია, ძალიან გვიხარია. დღეს ავიღეთ მეორე ტესტი და პასუხს ველოდებით საღამოს. ბელგიიდან ჩამოსულია, ასეთი ისტორია აქვს მას. იყო უმძიმეს მდგომარეობაში მორბიდული სიმსუქნით, გულ-სისხლძარღვთა უკმარისობით, არტერიული ჰიპერტენზიით, შაქრიანი დაბეტით, ისე, რომ თითქმის იმედი არ იყო, მაგრამ ძალიან გახარებულები ვართ, რადგან ასეთი რთული პაციენტების გამოჯანმრთელებაც შესაძლებელია. ველოდებით მეორე უარყოფით პასუხს“ , – აღნიშნა ლალი ტურძელაძემ.