მიუხედავად იმისა, რომ მსოფლიო ჯანდაცვის ორგანიზაციამ კორონავირუსის პანდემია გამოაცხადა და აღნიშნა, რომ დედამიწის არც ერთი ადგილი არ არის უსაფრთხო ამ ვირუსის გავრცელების კუთხით, მაინც არსებობს რამდენიმე ქვეყანა სადაც კოვიდ 19 ამ დრომდე არ დაფიქსირებულა.

დღესდღეობით მსოფლიოში 16 სახელმწიფოა წყნარი ოკეანის, აფრიკისა და აზიის კონკრეტული რეგიონებიდან, სადაც არ აღნიშნულა კორონავირუსის გავრცელების არც ერთი შემთხვევა.

აფრიკაში ამ დრომდე არ დაფიქსირებულა ვირუსი ისეთ ქვეყნებში, როგორიცაა ლესოტო, სამხრეთ სუდანი, იემენი, სიერა ლეონე, ბურუნდი, მალავი, დასავლეთ საჰარა .

აზიაში ამ დრომდე არ აღნიშნულა კოვიდ 19-ის ვირუსი თურქმენეთში, ტაჯიკეთსა და ჩრდილოეთ კორეაში.

ასევე არ ფისქისრდება არაპანდემიურ პირობებში ტურისტებით დატვირთულ წყნარი ოკეანის რეგიონის სახელმწიფოებში კორონავირუსის გავრცელება. ეს სახელმწიფოებია ტონგა, სამოა, ვანუატუ, კუკის კუნძულები, ტუვალუ და ნიუე. ექსპერტების თქმით, აღნიშნულ ქვეყნებში ვირუსის გაუვრცელებლობა მათი ტერიტორიის დისტანცირებითა და მსოფლიოს ეკონომიკური ცენტრებიდან მოშორებით არის განპირობებული.

მსოფლიოს ჯანდაცვის ორგანიზაციის მიერ გამოქვეყნებული ოფიციალური მონაცემების თანახმად, ამ დროისთვის 178 ქვეყანაშია დაფიქსირებული კორონავირუსი. სულ დაინფიცირების 804 073 შემთხვევაა, რომელთაგან 39 074 ფატალური აღმოჩნდა.