პაციენტებს შორის, რომლებსაც კორონავირუსი დღეს დაუდასტურდათ, 19 წლის ბიჭიც არის, რომელიც რამდენიმე დღის წინ გურჯაანის რაიონის ერთ-ერთ სოფელში, დაკრძალვაზე იმყოფებოდა .

გურჯაანის მერი, არჩილ ხანდამაშვილი აცხადებს, რომ ახალგაზრდა დაკრძალვაზე იყო ჩასული ოჯახთან ერთად სოფელ კარდენახში და მას დაახლოებით 30 ადამიანთან ჰქონდა შეხება.

არსებული ინორმაციით ახალგაზრდა ბიჭის ყველა კონტაქტი მოძიებულია და მათ ჩაუტარდათ სათანადო გამოკვლელებიც. ამ დროისთვის არც ერთს არ აღენიშნება საეჭვო სიმპტომები.

შეგახსენებთ, საქართველოში კორონავირუსით ინფიცირებულთა რიცხვი 110-მდე გაიზარდა. ქვეყანაში გამოჯანმრთელებულია 21 პაციენტი, კარანტინის რეჟიმშია 4 995 ადამიანი, სტაციონარში მეთვალყურეობის ქვეშ - 278.