საუდის არაბეთის მეფის, სალმან ბინ აბდულაზიზის ბრძანებით ყველა ადამიანს , მათ შორის ქვეყანაში არალეგალურად მყოფებსაც უმკურნალებენ კორონავირუსზე- ამის შესახებ საზოგადოებას ამცნო სამეფოს ჯანდაცვის მინისტრმა , ტავფიგ ალ-რაბიამ.

მინისტრის განცხადებით, ყველა იმ ადამიანმა, რომელლებიც იგრძნობენ კოვიდ 19-ის საეჭვო სიმპტომებს არ იყოყმანონ და დროულად მიაკითხონ საავადმყოფოებს. მან აღნიშნა, მონარქის ბრძანების შესაბამისად ყოველმა საავადმყოფომ, მათ შორის კერძო საკუთრებაში არსებულებმაც უნდა უმკურნალონ კორონავირუსით დაავადებულებს.

საუდის არაბეთმა კორონავირუსის ფონზე უმკაცრესი ზომები შემოიღო ქვეყანაში- აკრძალა გადაადგილება და დააწესა კომენდანტის საათი ჯედას პროვინციაში, სადაც კორონავირუსით ინფიცირებულთა რაოდენობა დიდია. შეგახსენებთ, რომ ვირუსით არაბულ სახელმწიფოში 1453 შემთხვევა აღინიშნა, რომელთაგან 8 ფატალური აღმოჩნდა.