თბილისის დროით დაახლოებით დილის 6 საათზე მომხდარი შეიარაღებული თავდასხმის დეტალები აშშ-ის ნიუ-ჯერსის შტატში მდებარე ერთ-ერთ სავაჭრო ცენტრზე ამ დროისთვის უკვე ცნობილია.

პოლიციამ დაადგინა, რომ პირი, რომელმაც სროლა ატეხა ქალაქ პარამუსის სავაჭრო ცენტრ Westfield Garden State Plaza-ში, 20 წლის რიჩარდ შუპია.

თვითმხილველები ჰყვებიან, რომ ხედავდნენ შეიარაღებულ პირს, რომელსაც ჯავშანჟილეტი ეცვა და სამეთვალყურეო კამერებს ესროდა. ინციდენტის სედეგად არავინ დაზარალებულა.

სად იმყოფება ამ დროისთვის პირი, რომელმაც უმისამართო სროლა ატეხა, დაუდგენელია. პოლიციისთვის ცნობილია მისი მისამართიც. ის თავდასხმის ადგილიდან მცირე მანძილის დაშორებით, ქალაქ ტინეკში ცხოვრობს.