ამერიკაში კორონავირუსისგან გარდაცვალების პირველი ფაქტი დაფიქსირდა არმიაშიც. ღნიშნული მოვლენა მოხდა ნიუ-ჯერსის შტატში-დაღუპული ეროვნული გვარდიის ერთ-ერთი წარმომადგენელი იყო.

გავრცელებული ინფორმაციით, ჯარისკაცი 21 მარტიდან იყო ჰოსპიტალიზებული, თუმცა იმის გამო, რომ მას მწვავე რესპირატორული სინდრომები აღენიშნებოდა, ექიმებმა მისი გადარჩენა ვერ მოახერხეს. სამხედროს გარდაცვალების ფაქტს აგრეთვე ადასტურებს პენტაგონიც.

აშშ-ს თავდაცვის მდივნის, მარკ ესპერის განცხადებით, ეს ფაქტი არმიისთვის ძალზე დიდი დანაკლისია. შეგახსენებთ, რომ რამდენიმე დღის წინ, ამერიკელი ჯარისკაცის კოვიდ 19-ით დაავადების ფაქტი დაფიქსირდა სამხრეთი კორეის ამერიკულ ბაზაზეც, რომლის შემდეგაც მკაცრი საიზოლაციო სამუშაოები განახორციელა არმიის ადგილობრივმა ხელმძღვანელობამ.