ამერიკის შეერთებულმა შტატებმა, იმისათვის, რათა კორონავირუსის გავრცელების შეკავება მოხდეს ქვეყნის მასშტაბით, შესაძლოა გადაადგილებაზე მკაცრი შეზღუდვები შემოიღოს. ამ დროისთვის აშშ-ში ჩინეთში დაავადებულ პაციენტებზე 2-ჯერ მეტი რაოდენობა ფიქსირდება- 164 359 ადამიანია დაინფიცირებული, ხოლო 3173 კი გარდაცვლილი.

ბოლო ინფორმაციით, იტალიელი მედიკოსები და ჯანდაცვის უწყების მაღალჩინოსნები იმედებს ამყარებენ იმაზე, რომ მომდევნო დღეების განმავლობაში საგრძნობლად დაიკლებს ინფიცირებულთა ახალი შემთხვევები. უკანასკნელი 24 საათის განმავლობაში დაავადების ყველაზე დაბალი მაჩვენებელი დაფიქსირდა იტალიაში ბოლო 2 კვირის განმავლობაში, თუმცა გარდაცვლილთა რიცხვი ისევ დიდია- 812 ფატალური შემთხვევეით. ესპანეთში კი ერთი დღე-ღამის განმავლობაში 800 ადამიანი გარდაიცვალა კოვიდ 19-ისგან.

დღითიდღე იმატებს აგრეთვე გამოჯანმრთელებულთა და საავადმყოფოდან გაწერილ ადამიანთა რაოდენობა. უკვე 165 938 პაციენტი იქნა გამოჯანმრთელებული ვირუსისგან. საერთო ჯამში დაინფიცირების 787 438 შემთხვევაა, რომელთაგან 37 846 სასიკვდილო აღმოჩნდა.