იყავით ბინაზე, ნუ დააკავებთ სტაციონარის საწოლებს, ის უფრო ცუდად მყოფებს სჭირდებათ

იყავით ბინაზე, ნუ დააკავებთ სტაციონარის საწოლებს, ის უფრო ცუდად მყოფებს სჭირდებათ - ლალი ტურძელაძე

COVID-19 - 20:59, 30 Mar, 2020

991

ნუ დააკავებთ სტაციონარის საწოლებს, როდესაც ის უფრო მძიმე და სერიოზულ პაციენტებს სჭირდებათ - ამის შესახებ პირველი საუნივერსიტეტო კლინიკის კლინიკურმა დირექტორმა ლალი ტურძელაძემ განაცხადა. მან საზოგადოებას მოუწოდა პირველადი სიმპტომების აღმოჩენის შემთხვევაში დაუკავშირდნენ ოჯახის ექიმს და სახლის პირობებში იმკურნალონ, ხოლო თუ გამოვლინდა ისეთი სახიფათო სიმპტომი, როგორიცაა სუნთქვვის უკმარისობა, მაშინ გამოიძახონ სასწრაფო.
„ხველის, ტემპერატურის, ყელის ტკივილის გაჩენისთანავე, დაურეკეთ ოჯახის ექიმს, მიიღეთ კონსულტაციები, იყავით სახლში, მიიღეთ დიდი რაოდენობით სითხე. თუკი დაგემატებათ სხვა სიმტომებიც, მაგალითად, სუნთქვის უკმარისობა – აუცილებლად გამოიძახეთ სასწრაფო და ის უკვე გადაგიყვანთ სტაციონარში.
დანარჩენ შემთხვევაში ყველაზე უკეთესია, დაბალი ტემპერატურის პირობებში, იყავით ბინაზე, მიიღეთ ექიმის კონსულტაციები. ნუ დააკავებთ სტაციონარის საწოლებს, როდესაც ის უფრო მძიმე და სერიოზულ პაციენტებს სჭირდებათ. ეს არის ჩემი დიდი თხოვნა მოსახლეობისადმი“, – აცხადებს ლალი ტურძელაძე.