კორონავირუსის პანდემიის დასასრული ახლოსაა! -ამის შესახებ 2013 წლის ნობელის პრემიის მფლობელმა ქიმიის დარგში, სტენფორდის უნივერსიტეტის ბიოფიზიკოსმა, მაიკლ ლევიტმა განაცხადა.

ლევიტის აცხადებს, რომ დაავადების გავრცელება თანდათანობით შეჩერდება და ამის დასტურად ჩინეთში დაღუპულთა რაოდენობის ზრდის შენელება მოჰყავს.

"ჩინეთის მსგავსად აშშ-შიც ვირუსის აფეთქება იმაზე მალე გადაივლის, ვიდრე ამას სპეციალისტები ვარაუდობენ... ჩვენ კარგად ვიქნებით“,- განუცხადა მან LA Times-ს.

ლევიტმა იმ ქვეყნების მონაცემები გააანალიზა, სადაც ყოველდღიურად კორონავირუსით 50-ზე მეტი ადამიანი ინფიცირდება და მათ დიდ ნაწილში დადებითი ტენდენცია გამოავლინა.

„რიცხვები კვლავ ხმაურიანია, მაგრამ ზრდის შენელების მხრივ საკმაოდ კარგი ნიშნები იკვეთება... მიუხედავად იმისა, რომ კორონავირუსის შემთხვევაში სიკვდილიანობის მაჩვენებელი უფრო მაღალია, ვიდრე გრიპის, ეს სამყაროს დასასრული არ არის. რეალური ვითარება ისეთი საშინელი არ არის“,- განუცხადა ლევიტმა LA Times- ს და დასძინა, რომ სოციალური დისტანცირება და გრიპის საწინააღმდეგო ვაქცინაცია ძალიან მნიშვნელოვანია იმისთვის, რომ ვირუსის გავრცელებას ხელი შეეშალოს.