კორონავირუსის საფრთხე და პაციენტების ჯანმრთელობის მდგომარეობა - თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორის, ლევან რატიანის განცხადებით, კლინიკაში მოთავსებული რამდენიმე პაციენტის მდგომარეობა კრიტიკულია.

რატიანი აცხადებს, რომ მძიმეა კლინიკაში მყოფი ახალშობილების მდგობარეობაც.

„კლინიკაში 67 პაციენტი იმყოფება აქედან ინფიცირებულია 17, დანარჩენი 50 პაციენტი არის საეჭვო შემთხვევა. ასევე გვყავს რამდენიმე კრიტიკული პაციენტი და მათი მდგომარეობა მძიმეა.

რაც შეეხება ახალშობილებს, მათი მდგომარეობაც მძიმეა, მაგრამ ამ ეტაპზე მართვადია“, – განაცხადა ლევან რატიანმა.

შეგახსენებთ, საუნივერსიტეტო კლინიკაში, სულ სამი მცირეწლოვანია მოთავსებული. მათგან 2 ახალშობილი გადმოყვანილია მარნეულ-ბოლნისიდან. ისინი კლინიკაში სუნთქვის მწვავე უკმარისობის დიაგნოზით შეიყვანეს.