"ჩვენი პატრონი არავინაა, ღია ცის ქვეშ ვართ, წვიმაში" - სამი ავტობუსი, რომლითაც საქართველოს მოქალაქეები სამშობლოში ბრუნდებოდნენ, თურქმა სამართალდამცველებმა უკან გააბრუნეს

COVID-19 - 11:14, 30 Mar, 2020

873

სამი ავტობუსი, რომლითაც საქართველოს მოქალაქეები თურქეთიდან ბრუნდებოდნენ, თურქმა სამართალდამცავებმა უკან გააბრუნეს.
მგზავრები აცხადებენ, რომ კოროვავირუსით გმოწვეული მდგომარეობის გამო მათ სამსახურები დაკარგეს და უკან ბრუნდებოდნენ. მათი თქმით, დაახლოებით 100 ადამიანს ღამის გათენება ქუჩაში მოუწია.
ემიგრანტები აცხადებენ, რომ მათ დახმარებისთვის საელჩოსაც მიმართეს მაგრამ უშედეგოდ.

"ჩვენი პატრონი არავინაა, დავრეკეთ საკონსულოში, მათ გვიპასუხე, რომ თქვენი საქმე არ არისო, ნუ ჩაერევითო და ჩვენ უფასო ავტობუსებით წაგიყვანთო, აბა სად არის ავტობუსი , ღია ცის ქვეშ ვართ წვიმაში, ორსული ქალი , ბავშვები, არაფერი გვაქვს, ხელფასებიც არ მოგვცეს....გაგვაჩერა პოლიციამ ჯერ სიცხეები გაგვიზომა სუყველას, მერე გადაადგილების უფლება არ მოგვცა, გადაადგილების უფლება არ გაქვთო. სამი ავტობუსი დააბრუნეს უკან ქართველებით სავსე" - აცხადებენ ემიგრანტები.
მომხდართან დაკავშირებით, საგარეო საქმეთა სამინისტროში აცხადებენ, რომ ტურისტულ კომპანიას, რომელსაც ემიგრანტები გადმოყავდა პრობლემა თურქეთში დაწესებული შეზღუდვების გამო შეექმნა, რადგან შიდა გადაადგილების ერთჯერადი ნებართვა არ ჰქონდა. უწყების ინფორმაციით, მგზავრები სტამბულიდან წამოსვლას დღეს შეძლებენ.