საქართველოს კათოლიკოს პატრიარქის მოსაყდრემ მეუფე შიომ, სამების საკათედრო ტაძარში საკვირაო წირვის დასრულების შემდეგ ქადაგებისას განაცხადა, რომ შესაძლოა ცოდვები, ჩვილთა მკვლელობა, აბორტები, სოდომიაა ამ ვირუსის ტოტალურად გავრცელების მიზეზი.

როგორც მეუფე შიომ განაცხადა, ამ მოვლენასაც, ისევე როგორც ბევრ მოვლენას აქვს რამდენიმე ასპექტი. ამ მოვლენასაც, პირობითად რომ ვთქვათ, ორი მხარე. ერთი მხარე არის უფრო მატერიალური, ფიზიოლოგიურიე სულიერი.

"ჩვენ შეგვიძლია ვთქვათ, რომ ამ მოვლენასაც, ისევე როგორც ბევრ მოვლენას აქვს რამდენიმე ასპექტი, რამდენიმე მხარე. ამ შემთხვევაში, როგორც იტყვიან მედალს ორი მხარე აქვსო, აქაც შეიძლება ვიფიქროთ, რომ ამ მოვლენასაც, პირობითად რომ ვთქვათ, ორი მხარე. ერთი მხარე არის უფრო მატერიალური, ფიზიოლოგიური. ამ თვალსაზრისით, ჩვენ, რა თქმა უნდა გვაწუხებს ძალიან და უნდა ვეცადოთ, რომ ყველანაირად დავიცვათ ეს რჩევები და რეკომენდაციები რასაც ჯანდაცვის მუშაკები გვირჩევენ ჩვენ, რასაც სახელმწიფო გვირჩევს. ეს აუცილებელია იმისთვის, რომ არ მოხდეს გადადება, ერთამანეთს გავუფრთხილდეთ და ესეც ქრისტიანული სიყვარულის გამოვლინებაა.

დავარქვათ ამას მწარე წამალი. იმისთვის ხდება რომ ადამიანი დაფიქრდეს, აქვს თუ არა მას რაიმე ცოდვა მის ცხოვრებაში. პირად ცხოვრებაში და იგივე ეხება ოჯახს, ერს და ყველას. ჩვენ ვხედავთ რომ დღეს არამართმადიდებლებიც, ასევე პოლიტიკოსებიც არაერთი ქვეყნისა გამოდიან დ ამაზე საუბრობენ, სინანულზე საუბრობენ, ფიქრობენ რა შეიძლება იყოს მიზეზი, ამ დიდი უბედურებისა... ეს ის ცოდვებია, ერის ცოდვები, ჩვილთა მკვლელობა, აბორტები, სოდომიის გამოცხადება ნორმალურ მდგომარეობად და ა.შ. ხომ არ არის დრო, რომ დავფიქრდეთ, ეს ხომ არ არის მიზეზი ვირუსის ტოტალური გავრცელებისა" - განაცხადა მეუფე შიომ.