აშშ-ში სასულიერო პირმა, ხუან ბენიტესმა ქალაქი როჩესტერი დალოცა და თვითმფრინავით 600 მეტრიდან დასახლებულ პუნქტსა და გარეუბნებს ნაკურთხი წყალი აპკურა. მისი თქმით, მრევლისა და პილოტი ენტონი დანიელის დახმარებით, მან მსოფლიო პანდემიის ასეთ რთულ ვითარებაში შეძლო განეხორციელებინა საეკლესიო დალოცვა, რომელიც მოსახლეობას აუცილებლად წაადგება და იხსნის განსაცდელისგან.

„სამყარო შეჩერებულია. ეს არის საუკეთესო შესაძლებლობა კრიზისის შუაგულში. ერთ – ერთი პოზიტიური აღნიშნული სიტუაციიდან გამომდინარე ისაა, რომ ოჯახები ერთად არიან. კარგი რამ შეიძლება მოხდეს. მოვუწოდებ ხალხს, ნუ ინერვიულებენ. ღმერთი ჩვენთანაა. ისიამოვნეთ თქვენი ოჯახით, თქვენი ხალხით, იყავით მშვიდობით, კარგად ჭამეთ, დაისვენეთ, გაძლიერდით და რა თქმა უნდა, იყავით უსაფრთხოდ „ - განაცხადა სასულიერო პირმა.