აშშ-ში, ვაშინგტონის შტატში, ქალაქ სიეტლის სასწრაფო დახმარების ექიმს, რომელიც საჯაროდ აკრიტიკებდა ჯანდაცვის უწყების მიერ კორონავირუსის გავრცელების შეჩერებასთან დაკავშირებით გატარებულ ღონისძიებებს, სამსახურეობრივი უფლებამოსილება შეუჩერეს და გაათავისუფლეს. ამის შესახებ ინფორმაციას ავრცელებს ASSOCIATED PRESS-ი. ექიმი მინგ ლი, ბელინგჰემის სამედიცინო ცენტრში 17 წლის განმავლობაში მუშაობდა.

ფეისბუქსა და მედია ინტერვიუებში ლინი პერმანენტულად აკრიტიკებდა ამერიკის ჯანმრთელობის უწყებას და აცხადებდა, რომ საავადმყოფოები ძალზე ზოზინებენ და ოპერატიულად არ მოქმედებენ- მისი თქმით, ძალზე ხშირია შემთხვევები, როდესაც სამედიცინო ცენტრებში არ უტარებდნენ სიმპტომების მქონე მოქალაქების დიდ რაოდენობას საკმარისი რაოდენობით სკრინინგს.

იგი აცხადებს, რომ ხშირია ექიმების მხრიდან უყურადღებობის ფაქტები- არ ამოწმებენ მომსახურე პერსონალს ვირუსზე, რითაც არ ხდება დაავადების უკონტროლო გავრცელების პრევენცია მედპერსონალში. გათავისუფლებული ა.წ უკვე ყოფილი სამედიცინო მუშაკის განცხადებით, აგრეთვე ძალზე დიდი ხანი სჭირდება კოვიდ 19-ზე ტესტირების შემდეგ პასუხების მიღებას- სავარაუდო დრო 10 დღეს შეადგენს, რომლის დროსაც პაციენტის მდგომარეობა შესაძლოა ძალზე დამძიმდეს.

აგრეთვე არ ხდება საკმარისი რაოდენობით ექიმების უსაფრთხოებისთვის აუცილებელი ატრიბუტებით მომარაგება.