"ჯენერალ მოტორსმა დაუყოვნებლივ უნდა განაახლოს მიტოვებული საწარმოს მუშაობა და დაიწყოს ხელოვნური სუნთქვის აპარატების წარმოება....ფორდ, დაიწყე სავენტილაციო სისტემების დამზადება, სწრაფად"

"ჯენერალ მოტორსმა დაუყოვნებლივ უნდა განაახლოს მიტოვებული საწარმოს მუშაობა და დაიწყოს ხელოვნური სუნთქვის აპარატების წარმოება....ფორდ, დაიწყე სავენტილაციო სისტემების დამზადება, სწრაფად" - ტრამპი ამერიკულ კომპანიებს აკრიტიკებს

მსოფლიო - 11:36, 28 Mar, 2020

1053

პრეზიდენტმა დონალდ ტრამპმა კომპანია “GENERAL MOTORS“-სი მკაცრად გააკრიტიკა და კორონავირუსთან ბრძოლის ფონზე უმოქმედობაში დაადანაშაულა.

“ჩვეულებისამებრ, როგორც ჩანს “GENERAL MOTORS“-თან არაფერი გამოდის. მათ თქვეს, რომ აპირებდნენ 40 000 რესპირატორული აპარატის გადმოცემას ძალიან სწრაფად. ახლა კი ამბობენ, რომ ეს რაოდენობა 6000 იქნება და ისიც მხოლოდ აპრილის ბოლოს, ძალიან ძვირად. „ - ამის შესახებ ამერიკის პრეზიდენტმა ტვიტერის საკუთარ გვერდზე დაწერა.

„ GENERAL MOTORS-მა სასწრაფოდ უნდა აამუშავოს მათი სულელურად მიტოვებული საწარმო ოჰაიოში ან სხვა ქარხნები უნდა აამოქმედოს და დაიწყოს ხელოვნური სუნთქვის აპარატების წარმოება, ახლავე! ფორდ, დაიწყე რესპირატორული აღჭურვილობის დამზადება, დროულად! „

შეგახსენებთ, რომ ვირუსის ფართო მასშტაბზე გავრცელების გამო აშშ-ში ხელოვნური სუნთქვის აპარატებზე დეფიციტია, რაც კრიტიკულ მდგომარეობაში მყოფი პაციენტების მკურნალობის საშუალებას საგრძნობლად ართულებს. ნიუ-იორკის გუბერნატორმა, ენდრიუ კუომომ მოუწოდა ფედერალურ ხელისუფლებას რამდენიმე დღის წინ, რომ სასწრაფოდ მოემარაგებინათ 30 000-მდე რესპირატორული სამედიცინო აპარატით, რადგან შტატის სამედიცინო დაწესებულებები აღნიშნული დანადგარების დეფიციტს განიცდიდნენ და ვერ ახერხებდნენ დაავადებული პაციენტების სათანადო მკურნალობას.