დაავადებათა კონტროლი ეროვნული ცენტრის ხელმძღვანელმა ამირან გამყრელიძემ თბილისის საუნივერსიტეტო კლინიკაში ბოლნისიდან შეყვანილ კორპნავირუსით ინფიცირებულ ორსულ ქალზე ისაუბრა.

მის თქმით, ორსულისა და ნაყოფისთვის გრიპის ვირუსი უფრო დამაზიანებელია, ვიდრე კორონავირუსი.

„ეს არ არის ისეთი რისკ ჯგუფი, ფეხმძიმისთვის კორონავირუსი ისეთი რისკ ჯგუფი არ არის, როგორიც არის გრიპის ვირუსი. დიდი განსხვავებაა მათ შორის. ამიტომ იქ მართვა მიმდინარეობს ჩვეულებრივად. რა თქმა უნდა,ინფექციაა, რა თქმა უნდა, საყურადღებოა, მაგრამ ყველაფერი მედიცინაში შედარებითია. გრიპის ვირუსი უფრო მეტად დამაზიანებელია ორსული ქალბატონისთვის და ნაყოფისთვის, ვიდრე კორონავირუსი. ამ შემთხვევაში არ არის მძიმე მდგომარეობა, ნამდვილად მინდა გითხრათ“, – განაცხადა ამირან გამყრელიძემ.