კორონავირუსით გარდაცვლილთა რაოდენობა ყოველდღიურად მასშტაბურად იზრდება ევროპაში- ესპანეთში ვირუსით დაღუპულთა რიცხვმა უკვე 4089 შეადგინა, დაინფიცირებულთა მაჩვენებელი კი ამ დროისთვის 56 188-ია ბოლო მონაცემებით. ამის შესახებ ინფორმაცია ესპანეთის ჯანდაცვის უწყებას გაავრცელა.

მხოლოდ უკანასკნელი 24 საათის მანძილზე 655 ადამიანი დაიღუპა , რაც შედარებით მცირე მაჩვენებელია ოთხშაბათს დაფიქსირებულ ანტირეკორდზე, როდესაც 738 ადამიანი გარდაიცვალა. აღნიშნული მაჩვენებლით ესპანეთი იტალიასთან ერთად უკვე მეორე სახელმწიფოა, სადაც ფატალური შემთხვევების რიცხვმა ჩინეთის მონაცემებს გადააჭარბა.