ოზურგეთიის ერთ-ერთი სოფლიდან მოქალაქე საკარანტინო სივრცეში იძულებით გადაიყვანეს.თვითიზოლაიციის წესის დარღვევისთვის კარანტინში გადაყვანილი პირი ოზურგეთის მუნიციპალიტეტის სოფელ მელექედურის მკვიდრია.

ორურგეთის მერის მოადგილის განცხადებით, მამაკაცი მარნეულიდან ჩავიდა და იგი თვითიზოლაციაში უნდა ყოფილიყო.

„მამაკაცი მარნეულიდან ჩამოვიდა, სადაც კარანტინია გამოცხადებული. იგი უნდა ყოფილიყო თვითიზოლაციაში, თუმცა დაარღვია იზოლაციის წესები. გამოძახებულ იქნა კრიმინალური და საპატრულო პოლიცია, საზოგადოებრივი ჯანდაცვის ცენტრი და მამაკაცი იძულებით გავგზავნეთ მახინჯაურში. თვითიზოლაციაში მყოფი ყველა პირი კონტროლდება და მათი ჯანმრთელობის მდგომარეობა სტაბილურია“, – განაცხადა მერის მოადგილე, ირაკლი სირაძემ.

ცნობისთვის, ამ დროისთვის საქართველოში კორონავირუსით ინფიცირების 70 შემთხვევაა დადასტურებული. აქედან რვა პაციენტი გამოჯანმრთელდა. მათგან ნაწილმა კლინიკა უკვე დატოვა.

ქვეყნის მასშტაბით საგანგებო მდგომარეობაა გამოცხადებული. მარნეულისა და ბოლნისის რაიონებში კი გუშინ მკაცრი კარანტინი გამოცხადდა.

COVID 19 - რა უნდა ვიცოდეთ საგანგებო მდგომარეობის შესახებ იხილეთ აქ