ტრამპმა დაამტკიცა, რომ ის ლიდერია, რომელიც აშშ-ს სჭირდება კორონავირუსის პანდემიისა და კრიზისის დროს

ტრამპმა დაამტკიცა, რომ ის ლიდერია, რომელიც აშშ-ს სჭირდება კორონავირუსის პანდემიისა და კრიზისის დროს - Politico

მსოფლიო - 12:53, 24 Mar, 2020

1076

დონალდ ტრამპმა დაამტკიცა, რომ სწორედ ის ლიდერია, რომელიც აშშ-ს სჭირდება კორონავირუსის პანდემიისა და კრიზისის დროს, წერს პორტალ Politico-ს მიმომხილველი ზახარი კარაბელი.

"მართალია, თავიდან აშშ-ის ხელისუფლებამ გვიან დაიწყო კორონავირუსთან ბრძოლა, ვერ ჩაატარა საყოველთაო ტესტირება, მაგრამ მას შემდეგ, რაც სრულად გაიაზრა პრობლემის მათ შორის ეკონომიკური ხასიათის პრობლემების არსი, ტრამპმა სწრაფი და უპრეცედენტო ზომები გაატარა," - წერს ექსპერტი.

კარაბელის სიტყვებით, წინა ხელისუფლებებს კრიზისების დროს თვეები და წლებიც კი სჭირდებოდათ, რომ გაეცნობიერებინათ სახელმწიფოს მხრიდან ფინანსური დახმარების აუცილებლობა, მოქმედმა პრეზიდენტმა კი ეს ერთ კვირაში გადაწყვიტა. საუბარია ამერიკელებისთვის თანხის პირდაპირ დარიგებაზე, საწარმოთათვის კრედიტების მიცემაზე, საგადასახადო შეღავათებზე, კორონავირუსით ყველაზე დაზარალებული დარგების დაფინანსებაზე.

ტრამპი, COVID-19-მდე რესპულიკელთა ტრადიციულ ეკონომიკურ პოლიტიკას მისდევდა - სოციალური ხარჯების შემცირებას, თუმცა, კრიზისის დროს იგი არ შეუშინდა იდეოლოგიური ჩარჩოების დარღვევას და ისეთი ნაბიჯები გადადგა, რომ მისი მაკრიტიკებელი დემოკრატებიც კი უჭერენ მხარს. ავტორი არც იმას გამორიცხავს, რომ თუ უმუშევრობამ ქვეყანაში 10%-ს გადააჭარბა, ტრამპი სამედიცინო დახმარების პროგრამასაც აღადგენს, რომელიც თავადაც არაერთხელ გაუკრიტიკებია.