საავადმყოფოს ბოქსირებული განყოფილების უფროსმა, კორონავირუსით ინფიცირების ახალ შემთხვევებზე ისაუბრა.

ენდელაძემ აღნიშნა, რომ ახალი ინფიცირებულები სხვა კლასტერია და მათ ამერიკაში მოგზაურობის ისტორია აქვთ. მისივე თქმით, ოთხივე თვითიზოლირებული იყო.

„გამოვლინდა ჩვენთან ოთხი ახალი ინფიცირებული და ვიცი, ასევე, რომ აჭარაში გამოვლინდა სამი ახალი. აჭარაში მყოფების შესახებ ინფორმაცია არ მაქვს. ოთხს რაც შეეხება, არ არის ეს შიდა გადაცემა. ეს გახლავთ ამერიკიდან ჩამოსული პირები, ახალი კლასტერია, მაგრამ არ არის შიდა გადაცემა“, – განაცხადა მარინა ენდელაძემ.

მისი თქმით, თბილისის ინფექციურ კლინიკაში მოთავსებული ახალი ინფიცირებულები საშუალო ასაკის არიან, მათ შორის ერთი 15 წლის არის.

ცნობისთვის, ამ დროისთვის საქართველოში კორონავირუსით ინფიცირების 61 შემთხვევაა დადასტურებული. აქედან რვა პაციენტი გამოჯანმრთელდა. მათგან ნაწილმა კლინიკა უკვე დატოვა.

ქვეყნის მასშტაბით საგანგებო მდგომარეობაა გამოცხადებული. მარნეულისა და ბოლნისის რაიონებში კი გუშინ მკაცრი კარანტინი გამოცხადდა.

COVID 19 - რა უნდა ვიცოდეთ საგანგებო მდგომარეობის შესახებ იხილეთ აქ