საუდის არაბეთის მეფის, სალმანის გადაწყვეტილებით, კორონავირუსის ფართო გავრცელების შეკავების ფონზე მკაცრი შეზღუდვები ამოქმედდა- ქვეყანაში კომენდანტის საათი ამოქმედდა, რომელიც ღამის 7-იდან დილის 6 საათამდე იმოქმედებს 21 დღის განმავლობაში- ამის შესახებ ინფორმაციას ებრაული მედია ავრცელებს.

აღნიშნული გადაწყვეტილება ხელისუფლების მიერ მას შემდეგ იქნა მიღებული, რაც კოვიდ 19-ის დაავადების შემთხვევებმა 511-მდე მოიმატა და ამ მონაცემებით ზემოხსენებული რიცხვი ყველაზე მეტია სპარსეთის ყურის ქვეყნებს შორის. ბოლო ინფორმაციით უკვე 562-ია დაავადებული ვირუსით, თუმცა ფატალური შემთხვევები ოფიციალურად და დასტურდება. ზემოხსენებული გადაწყვეტილებით, ქვეყნის სრულ ტერიტორიაზე საარმიო და სპეცდანიშნულების დანაყოფები პოლიციელებთან ერთად დაიცავენ წესრიგს.

არაბეთის ნახევარკუნძულზე არსებული უდიდესი ეკონომიკის მქონე სახელმწიფომ უკვე დახურა კინოთეატრები, მოლები, რესტორნები, შეაჩერა ფრენები და რელიგიური ღონისძიებები ( ლოცვები). ოფიციალური ერ-რიადის გადაწყვეტილებით 32 მილიარდი დოლარი იქნა გამოყოფილი კერძო სექტორის გასაძლიერებლად და ეკონომიკური კოლაფსის შესაჩერებლად.