მიუხედავად მკაცრი საიზოლაციო და საკარანტინო ღონისძიებების განხორციელებისა, ხალხი მაინც პოულობს ევროპაში სხვადასხვა ხერხს, რომლის საშუალებითაც შეიძლება საცხოვრებელი ზონების დატოვება.

ქალაქი მურსიას პოლიციამ ტვიტერის სოციალურ ქსელზე გამოაქვეყნა ვიდეო, სადაც ასახულია ტირანოზავრის ფორმაში გამოწყობილი ერთ-ერთი მაცხოვრებელი, რომელიც "ამ ფორმით იცავს თავს დაინფიცირებისგან" და ქუჩაში გადაადგილდება. ტვიტერზე გამოქვეყნებულ ვიდეოში ჩანს, რომ მიმდინარეობს დიალოგი პოლიციის ოფიცერსა და ფეხით მოსიარულე დინოზავრის ფორმაში ჩაცმულ მამაკაცს შორის. რამდენიმე წამიანი ინტერაქციის შემდეგ, იგი ტოვებს ტერიტორიას და ტროტუარზე გადადის.

იმავე დინოზავრის სპეც-ფორმაში გამოწყობილი აღნიშნული მამაკაცის მეორე ვიდეოც გავრცელდა ინტერნეტში, სადაც ჩანს თუ როგორ აგდებს იგი ურნაში ნაგავს.