ტოკიოს ოლიმპიური თამაშები აუცილებლად ჩატარდება, თუმცა არსებული მდგომარეობის გათვალისწინებით ეს უფრო 2021 წელს მოხდება ვიდრე გეგმის თანახმად, 4 თვეში.

გავრცელებული ინფორმაციით, კანადა და ავსტრალია უარს აცხადებენ ოლიმპიურ თამაშებზე გააგზავნონ თავიანთი ათლეტები, თუ იგი არ გადაიდება მომავალ წლამდე. აღნიშნულ სიტუაციას გამოეხმარუა იაპონიის პრემიერ-მინისტრი, შინზო აბეც. მისი თქმით, პარლამენტი ოლიმპიური თამაშების გადადებას განიხილავს.

საერთაშორისო ოლიმპიური კომიტეტის პრეზიდენტმა თომას ბახმა სპორტსმენებს წერილი გაუგზავნა, სადაც განმარტავენ გადაწყვეტილებას ,თუ რატომ შეიძლება, ამდენი დრო დასჭირდეს გადაწყვეტილების მიღებას- „მე ვიცი, რომ ეს უპრეცედენტო სიტუაცია ბევრ თქვენგანს უჩენს ღია შეკითხვებს. მე ვიცი, რომ რაციონალური მიდგომა შეიძლება არ შეესაბამებოდეს იმ ემოციებს რაც თქვენ გაგაჩნიათ“.