თბილისის ინფექციური საავადმყოფოს ბოქსირებული განყოფილების უფროსი, მარინა ენდელაძე ვარაუდობს, რომ კორონავირუსისგან გამოჯანმრთელებული კიდევ ხუთი ადამიანი, კლინიკას ხვალ დატოვებს.

მისი თქმით, ტესტები უკვე ჩატარებულია და განმეორებითი ტესტირება აღარ არის საჭირო.

„დღეს საღამოს მივიღეთ პასუხები, ვირუსი აღარ განისაზღვრა, უარყოფითია. ტესტები უკვე ჩატარებულია. განმეორებითი ტესტები აღარ არის საჭირო, საჭიროა ლაბორატორიული კვლევა. სხვა ანალიზებს გადავამოწმებთ რადიოლოგიურ კვლევას ჩავატარებთ განმეორებით, ვინაიდან მათ შორის ძალიან მძიმე იყო, ფილტვების ანთება ჰქონდა და კომპიუტერული ტომოგრაფიის ჩატარებაა საჭირო, რომ გადავამოწმოთ საბოლოოდ და გავწეროთ. ეს ხუთივე პაციენტი სავარაუდოდ ხვალ გაეწერება კლინიკიდან. ნაწილი გაეწერება დილით ბინაზე და ნაწილი საღამოსთვის“, – განაცხადა მარინა ენდელაძემ.

ცნობისთვის, ​საქართველოში კორონავირუსით ინფიცირების 54 შემთხვევა არის დაფიქსირებული. გამოჯანმრთელებულთა ოფიციალური რაოდენობა ამ დრომდე 3 იყო. ხვალ კი გამოჯანმრთელებულთა რიცხვს კიდევ 5 ადამიანი დაემატება.

COVID 19 - რა უნდა ვიცოდეთ საგანგებო მდგომარეობის შესახებ იხილეთ აქ