მსოფლიო ჯანდაცვის ორგანიზაცია მოუწოდებს ახალგაზრდებს, მეტი სერიოზულუბოით შეხედონ კორონავირუსის საფრთხეს, რადგან დაავადება მათაც აინფიცირებს და ზოგ შემთხვევაში კლავს კიდეც.

პრეს კონფერენციაზე ჯანდაცვის მსოფლიო ორგანიზაციის დირექტორმა ტედროს ადანომ გებრესიუსმა განაცხადა: „ახალგაზრდებისთვის შეტყობინება მაქვს: თქვენ არ ხართ ვირუსის მიმართ იმუნურები, დაავადებას შეუძლია რამდენიმე კვირა გაგატარებინონ საავადმყოფოში ან სულაც მოგკლან კიდეც. იმ შემთხვევაში თუ კი ავად არ გახდებით, თქვენ მიერ მიღებული გადაწყვეტილება გადაადგილებასთან დაკავშირებით, სხვებისთვის შესაძლოა სიკვდილ-სიცოცხლის საკითხი გახდეს“.

შეგახსენებთ, რომ ჯანდაცვის მსოფლიო ორგანიზაციამ 11 მარტს კორონავირუსის „ქაოსური“ გავრცელების გამო პანდემია გამოაცხადა. ჩინეთში დაავადების მასშტაბური გავრცელება 2019 წლის იანვრიდან დაიწყო, თუმცა როგორც მოგვიანებით გახდა ცნობილი, უკვე ნოემბერში არსებობდა რამდენიმე შემთხვევა, რომლის შესახებაც ჩინეთის ხელისუფლებამ ინფორმაცია დამალა, რამაც „ვირუსის მოგზაურობას“ შეუწყო ხელი მთელს მსოფლიოში.