ევროპაში კორონავირუსით გარდაცვლილთა რაოდენობამ ბოლო მონაცემებით 5000-ს გადააჭარბა, რომლის შემდეგაც ეპიდემიის მთავარ წყაროდ დასახელდა იტალია, ესპანეთი და გერმანია. მსოფლიოში ფატალური შემთხვევების რიცხვი კი უკვე 11 000-ს სცდება.

მიუხედავად გამოცხადებული კარანტინის და მკაცრი იზოლაციისა, იტალია და ესპანეთი ამ დრომდე ვერ ახერხებენ გარდაცვლილთა და ახალ დაინფიცირებულთა რაოდენობის შემცირებას- იტალიაში უკანასკნელი მონაცემების საფუძველზე დადგინდა რომ 24 საათში 627 ადამიანი გარდაიცვალა, ხოლო ესპანეთში დაღუპულთა რიცხვმა უკვე 1000-ზე მეტია და ბოლო მონაცემებით 1093-ს შეადგენს. დიდია დაღუპულთა რაოდენობა ირანშიც, სადაც კორონავირუსისგან უკვე 1433 გარდაცვალების შემთხვევა აღინიშნა.

ჯონ ჰოპკინსის კვლევითმა ინსტიტუტმა გამოაქვეყნა გრაფიკული რუკა, სადაც ნაჩვენებია, რომ ვირუსმა მთელი მსოფლიო მოიცვა და უკვე თითქმის ყველა ქვეყანაში ფიქსირდება დაავადების გავრცელება.