ჯანდაცვის მსოფლიო ორგანიზაციის მიერ გავრცელებულ განცხადებაში ნათქვამია, რომ ბოლო ერთ დღეში ახალი კორონავირუსით მსოფლიოში 24 247 ადამიანი დაინფიცირდა, 1061 ადამიანი კი გარდაიცვალა.

საერთო ჯამში, ვირუსის გავრცელებიდან დღემდე პლანეტაზე, 20 მარტის საღამოს მონაცემებით, 234 073 ადამიანია ინფიცირებული. აქედან 104 591 ევროპაში.

შეგახსენებთ, კოვიდ-19-ის გამო, ჯანდაცვის მსოფლიო ორგანიზაციამ პანდემია გამოაცხადა.