ჯანდაცვის მსოფლიო ორგანიზაციის დირექტორი ახალგაზრდებს მიმართავს და სიფრთხილისკენ მოუწოდებს.

ტედროს გებრეიესუსი აცხადებს, რომ ჯანდაცვის მსოფლიო ორგანიზაციის მონაცემებით, ახალი კორონავირუსი არა მხოლოდ მოხუცებისთვის, არამედ ახალგაზრდობისთვისაც საშიშია.

„ჩვენს ხელთ არსებული მონაცემები აჩვენებს, რომ 50 წლამდე ინფიცირებულებს სჭირდებათ საავადმყოფოში გადაყვანა. მე მივმართავ ახალგაზრდებს, თქვენ არ ხართ დაცულები. ამ ვირუსს შეუძლია, რამდენიმე კვირა ჰოსპიტალში გაგატარებინოთ ან მოგკლათ კიდეც. იმ შემთხვევაშიც კი, თუ თქვენ ავად არ გახდებით, თქვენი გადაწყვეტილება, თუ სად უნდა წახვიდეთ, სხვებისთვის სიცოცხლისა და სიკვდილის საკითხია“, – განაცხდა ჯანდაცვის მსოფლიო ორგანიზაციის დირექტორმა.