„არ მიიღოთ იბუპროფენი, დიკლოფენაკი, ნუროფენი...“ - პრეპარატები, რომელიც კორონავირუსის ორგანიზმში შეჭრას აძლიერებს

COVID-19 - 20:11, 20 Mar, 2020

3254

ადამიანებმა, რომლებიც ეჭვობენ, რომ კირონავირუსის სიმპტომები აქვთ, არ უნდა მიღონ პრეპარატი იბუპროფენი ექიმთან კონსულტაციის გარეშე. ამის შესახებ ჯანდაცვის მსოფლიო ორგანიზაციის ოფიციალურმა წარმომადგენელმა კრისტიან ლინდმაიერმა განაცხადა.

იმის მიუხედავად, რომ არ მტკიცედება კავშირი ანთების საწინააღმდეგო პრეპარატის მიღებასა და სიკვდილიანობის გაზრდის მაჩვენებელს შორის, ლინდმაიერი ამბობს, რომ ექსპერტები ამ საკთხს მაინც იკვლევენ.

ჯანმო მოსახლეობას ურჩევს ასეთ ვითარებაში მიიღოს პარაცეტამოლი და არა იბუპროფენი.

აღნიშნული რეკომენდაცია დაფუძნებულია ბრიტანულ ჟურნალ The Lancet-ში გამოქვეყნებულ სტატიაზე და ვირუსოლოგებისა და ნევროლოგების რჩევაზე.

აღნიშნულის შესახებ სოციალურ ქსელში წერს ასევე, ნიდერლანდების სამეფოში მოღვაწე ოჯახის ექიმი, ნინა ბაკაშვილი, რომელიც ამბობს, რომ იბუპროფენი, დიკლოფენაკი, ნუროფენი ან სხვა NSAID-ის პრეპარატები ზრდიან ACE-2 -ის რეცეპტორების მგრძნობელობას და ორგანიზმში კორონავირუსის შეჭრას აადვილებენ.

„!!!! ვინც გაციებული ხართ ან სიცხე გაქვთ არ მიიღოთ იბუპროფენი, დიკლოფენაკი, ნუროფენი ან სხვა NSAID-ის პრეპარატები!!!

მე, როგორც ნიდერლანდების სამეფოში მოღვაწე ოჯახის ექიმი გირჩევთ ამას. აღნიშნული რეკომენდაცია დაფუძნებულია ბრიტანულ ჟურნალ The Lancet-ში გამოქვეყნებულ სტატიაზე და ვირუსოლოგებისა და ნევროლოგების რჩევაზე. ეს პრეპარატები ზრდიან ACE-2 -ის რეცეპტორების მგრძნობელობას და ორგანიზმში კორონავირუსის შეჭრას აადვილებენ.

თითქმის ყველა ახალგაზრდა პაციენტი, რომელიც ინტენსიურ თერაპიაში მოხვდა აღმოჩნდა რომ იღებდა ამ პრეპარატებს“ - წერს ნანა ბაკაშვილი.