კიშინიოვში, „დიდი ეროვნული შეკრების“ მოედანზე ასი ათასზე მეტმა მონაწილემ ევროპული ინტეგრაციის კურსის მხარდასაჭერად დეკლარაცია მიიღო.

„ჩვენ, ხელისუფლებისგან ვითხოვთ, რომ წინ აღუდგეს გარე და შიდა ზეწოლას, რათა გააგრძელოს ევროპის კავშირში ინტეგრაციის კურსი. მტკიცედ გვწამს, რომ მოლდოვას ადგილი ევროპელი ერების ოჯახშია, გმოვდივართ ევროპული სტანდარტების დანერგვისათვის, დემოკრატიისა და განვითარებისათვის. ვაფასებთ ევროპული ინტეგრაციის პროცესში პარტნიორების მხარდაჭერას. მოლდოვას მომავალი ახლა წყდება!“ - ნათქვამია დეკლარაციაში.

ორგანიზატორთა, პროევროპული საბჭოს მმართველი კოალიციიდან, შეფასებით მანიფესტაციაში მონაწილეობა ლიბერალ-დემოკრატიული, დემოკრატიული და ლიბერალ-რეფორმატორული პარტიების ასი ათასზე მეტმა მომხრემ მიიღო.

ორგანიზატორებმა მანიფესტაციის მონაწილეებს მოუწოდეს არ გამოეყენებინათ პარტიული სიმბოლიკა და მიტინგზე ევროპული სიმბოლიკით მისულიყვნენ. აქედან გამომდინარე, ხალხს მხოლოდ მოლდოვას რესპუბლიკის და ევროკავშირის დროშები, ასევე ევროპული ინტეგრაციის მხარდასაჭერი ლოზუნგები მოჰქონდა.

ამავე დროს, კომუნისტების ოპოზიციურმა პარტიამ ხელისუფლება დაადანაშაულა იმაში, რომ მათ კიშინიოვში ხალხი ადმინისტრაციული რესურსების გამოყენებით ჩაიყვანეს ავტობუსებითა და დამატებითი მატარებლებითაც კი.

კვირის განმავლობაში, ბევრი ორგანიზაცია, პოლიტიკური პარტია, კულტურის მოღვაწე გამოთქვამდა აქციის მხარდაჭერას, რომელიც კვირას, 3 ნოემბერს გაიმართა. მიტინგი ორგანიზებული იქნა ნოემბრის ბოლოს, „აღმოსავლეთ პარტნიორობის“ ვილნიუსის სამიტის გამართვამდე, რომელზეც მოლდოვამ ევროკავშირთან ასოცირების შესახებ შეთანხმების პარაფირება უნდა მოახდინოს.

მომზადებულია interfax-ის მასალების მიხედვით.